خربشات وسام

يا الهارب من الغولة يا طايح في سلّال القلوب

قابلتني ... اعجبتني ... شاركت بها اصدقائي في مدونتي

10 نصائح لكي تجري البنات في جرتك

أولا :
البنت بتحب الولد الثقيل خلي روحك ديما بارد معاها وبايخ كان فيها كيف وكان ماتعرفش تسوق عليها البرادة متعك طلع رخصة برادة دم او رخصة نفخ ان امكن

ثانيا :
البنت بتحب الولد الفلوس ...اسرق ...اخنب...انهب ...دير أي حاجة بش تولي فلوس...لازم تكون الفلوس هلبة لاترضى بالقليل ...مايهمش الفلوس حلال ولا حرام...بل يستحب ان تكون حرام بس تحس البنت انك كريم عبدالعزيز في فيلم حرامية في تايلند ...ماعندكش فلوس...وفشلت في الحصول على فلوس يافاشل...ياأفشل الفاشلين استهبل ..ارسم عليها انك غني والفلوس من غير حساب عندك...ارسم عليها واشتغلها رسام..يعني انت لاقي شغل يافاشل...اشتغل عليها وارسم انك غني لي امتي بنقعد نعلم فيك يافاشل .

ثالثا :
البنت اتحب الولد اللي ماتفهماش...خليك متخلف في اسلوبك وطريقة تعاملك معها خليك اهبل في كلامك معها وماتعطيهاش لاحق ولاباطل...مانبيهاش تفهم منك اي جملة مفيدة تطلع من فمك....وكان غلطت وقلت جملة مفيدة ارجع في كلامك ولخبط نبيها تهبل وماتفهمش حاجة .

رابعا :
البنت تحب الولد الكذاب ...افتح عليها حكاك الكذب كلها...احكيليها عن رحلاتك في المريخ وعن غزواتك وفتوحاتك وكلمها واحكيلها عن اختراعك للبنسلين وعن قدرتك على الطيران و قراية افكار الناس..وقللها انك تعرف كل حاجة في الدنيا وتعرف هي وين تمشي ومع من تطلع و وين تهيج .

خامسا :
البنت تحب الولد الحبوب المحبوب ...دلع وخفف نفسك وخليك فريش طول اليوم ...وشدها في جرة الناس وضيقلهم خلقهم...وبصر معاها طول الوقت بداعي ومن غير داعي...تلقاها لابسة فستان جديد صب عليه ماية وقوللها بصارة خليها تحس ان كل الناس تتمنى انك تبصر معاهم .

سادسا :
البنت بتحب الولد اللي مش راجل...خليك ناعم عال الاخر وبسكوت و حساس موت على الخالص وخليك ياي ياي خليك اكثر من عسول...اسالني انا البنات تموت في هذا الصنف .

سابعا :
البنت تحب الولد اللي يفهمها انهاحلوة بل فهمها انها احلى بنت في البلاد...لالالالا اصبر البلاد شوية بل الكون احسن...اوصفلها جمالها وقوللها قداش هي فاتنة وحلاوتها مذوباتك ومسهراتك ياعين وهي بس حلوة والوحيدة لي عينك تشبح فيها....لان البنت لازم تحس انها الاحلى لان ماعندهاش عقل يفهمها ان الله فضل الناس في خلقهم وشكلهم

ثامنا :
البنت تحب الولد المعتوه الشكل ...البس لبس غبي خلي البنطلون طايح شوية ..البس تشيرتات مرسوم عليها فئران وكلاب وحمير..البس كندرة حمراء و قرواطة صفراء وسورية زرقاء خليك زي المهرجين ...حاول تغير من اسلوب لبسك البس حوايجك بالمقلوب ومع ذلك لاتنسى السروال طايح خلي شعرك نازل على عيونك

تاسعا :
البنت بتحب الولد التافه ديما هدرزلها على المسرحيات و الثمثليات والاغاني الجديدة والمطرب الفولاني لبس شورت احمر والمطربة الفولانية لابسة جونة قصيرة تهبل....وخد بالك من النقطة الجاية قوللها ان صوتك مليح وانك تعرف تعزف وانهم ممكن ياخدوك في ستاراكاديمي لان موهبتك غير عادية....مع ان صوتك زي الخروف

عاشرا :
البنت تحب الولد اللي يحب غيرها ..عمرك سمعت ببنت تحب واحد يحبها..البنت تحب تاخد الشى الذي تريده....احسن شئ طنشها..ماتعدلش عليها...خليه تحس انها مش بني ادمة...واهم حاجة صاحب غيرها حتى خمسة ثانيات ...رد بالك لاتكون هي الوحيدة في حياتك..مش لاقي بنت ثانية اتصرف دير حل لروحك...صاحب أي شغاله ولا بياعه خضرة انشاءالله حتى شحاتة ...المهم لاتكون هي الوحيدة...نوع التنويع كويس

انا اوعدك ياغالي لو نفدت كل هذه النصائح حرفيا حتلغبط نص بنات ليبيا كان مش الكل

اجمل قصيدة غزل بالعربي

صرصورٌ واعدَ صرصورهْ

في غرفةِ نومٍ مهجورهْ

في ثقبِ جدارٍ يلقاها

أو رجلِ سريرٍ مكسورهْ

جاءتْ صرصورةُ في الحالِ

وبرغمِ جميعِ الأهوالِ

ابنُ الجيرانِ يراقبها

وبناتُ العمّةِ والخالِ

خرج المسكينُ من الثقبِ

ناداها بالصوتِ العذبِ

صرصورةَ عمري ..فاتنتي

يا أملَ العمر . وياقلبي

ماأجمل هذه الإشراقهْ

ياذات العين البرّاقهْ

قولي لي كيف تأخرتِ

هل كنتِ عند الحلاقهْ؟؟

ياذاتَ القدّ الميّاسِ

غافلتُ جميعَ الحرّاسِ

من أجلك لا أخشى شيئاً

حتى مكنسة الكنّاسِ

هيّا يا حلوة لاقيني

مابين زنودك ضميني

لاأطلبُ في الدنيا شيئاً

أرجلك الستة تكفيني

من أجلكِ هيأتُ الوكرا

حتى نمضي فيه العمرا

مادمتِ بقربي ياقلبي

لن أخشى هرّاً أو فأرا

هيا ياحلوة نتعشّى

وبطرف الشرفة نتمشّى

مادام ذراعك يحضنني

لن أخشى بخّاً أو رشّا

صرصورة راحت تتدلّلْ

وبثقب الحائط تتأمّلْ

نادتْ : يا أحمقُ فلتخرسْ

ماهذا القولُ ؟؟ألا تخجلْ؟؟

صاحَ الصرصورُ بلا خجلِ

اشتقتُ لضمّك في عجلِ

بعيونكِ تسكنُ أحلامي

ياحلمَ العمر وياأملي

فرحتْ صرصورةُ بالأمرِ

ركضتْ فوراً نحو الوكرِ

راحتْ تنشدُ معْ عاشقها

قدْ حقّقنا حلمَ العمرِ

لخبطة طريفة من Google !!

مع انه محرك بحث قوقل غني عن التعريف بجودته وقوته ومدى فاعليته لكن اتاني احد الاصدقاء اليوم بلقطة طريفة جدا ، على ما يبدو انه كان يبحث عن شيء ما باللغة العربية باستخدام محرك Google وبعد ان ضغط على زر البحث تفاجأ انه قد كتب النص باللغة الانجليزية (تصير مش جديده يعني) لكن الطريف فعلا هو ما ظهر له في الصورة :